وظهرت غادة عادل، في مقطع فيديو، قبيل ساعات من إجرائها لـ عملية التجميل، وذلك في حديثٍ قصير مع الطبيب المعالج، حيث أبدت معاناتها مع بعض المشاكل التي ظهرت في وجهها خصوصاً مع التقدم في العمر، إذ قررت أخيراً الخضوع للجراحات التجميلية، قائلة: "حسيت إنّ كل الناس بقت بتعمل كده، ولو دي حاجة تخليني مستريحة ومبسوطة، يبقى ليه لأ؟!".
وأوضحت أنها لا تستقر بعد على المناطق التي تريد تجميلها في وجهها، لذا تركت الأمر للطبيب المعالج، متابعة بقولها: "عاوزة المشاكل اللي مضايقاني تشوفها وتحلها، بحس رقبتي والخدود فيهم مشاكل، عاوزة يبقى شكلي حلو، مش عارفة أعمل ايه بالظبط وايه المفروض اللي يتعمل، بس عاوزة أحس إن أنا ميكونش عندي المشاكل اللي مضايقاني، والديفوهات اللي بشوفها وأنا بشتغل".
وأضافت غادة عادل: "مش قصدي أصغر نفسي ولا أبقى صغيرة، كل الناس عارفة أنا مين وأولادي مين، لكن أوقات أحس إن فيه حتة من وشي نازلة وتضايقني في الشغل، ولو مش نايمة كويس أحس إن وشي واقع.. أكيد أنا دلوقتي مش زي زمان، لكن عاوزة أرجع زي زمان".
يذكر أنّ غادة عادل، تستعد خلال الفترة المقبلة، لتصوير الجزء الثاني من مسلسل "وتر حساس"، بدلاً من الفنانة صبا مبارك التي قدّمت بطولة الجزء الأول، حيث اعتذرت لانشغالها بأعمال فنية أخرى، حسبما أوضحت قبل أيام بقولها: "حبايبي، ألف مبروك على الجزء الجديد، وعلشان الأسئلة الكتير، أنا طبعاً بحب وتر حساس، ونفسي المشروع يفضل مكمل بنجاح كبير، وللأسف إني مرتبطة بأكثر من عمل قادم من السنة اللي فاتت".وتابعت صبا مبارك:"تنسيق الوقت مع هذه الارتباطات كان مستحيلاً، ودا السبب اللى مخلانيش أعرف أكمل الجزء الجديد". ووجهت رسالة إلى غادة عادل بطلة العمل وقالت: "بس متأكدة كالعادة هتعملي مسلسل حلو وناجح ومبروك لأختي وحبيبتي، وبحبكوا جداً كلكو".