كشف الفنان أحمد فهمي من خلال لقائه مع موقع "ET بالعربي" عن موقفه من الزواج، وإمكانية تكراره للتجربة للمرة الرابعة، حيث قال: "أنا بشوف في الأمور إللي زي دي أي حد هيرد بأه أو لأ هيبقى كذاب، في الآخر كلنا بندور دايماً على الاستقرار وبندور أنك تلاقي شريكك الحقيقي إللي يعرف يكمل معاك، هي كلها محاولات إن شاء الله تظبط في مرة، أتمنى".
وعن علاقته بمواقع التواصل الاجتماعي و السوشيال ميديا، ونصيحته للنجم أحمد السقا للتعامل معها وخاصة في ظل تصدر اسمه الترند بسب الأزمات والشائعات التي طالته خلال الفترة الماضية؛ قال فهمي: "زمان أول ما دخلت على السوشيال ميديا كان يوم زفت كان في 2019؛ كنت برد ومش فاهم وأي حد يكتب حاجة أدخل أشتم وأقول إللي أنا عايزه".وأضاف فهمي: "وبعدين لقيت الموضوع مش بيخلص دلوقتي بقيت شاري دماغي قول إللي أنت عايزة في الآخر أنا بعمل شغلي وحياتي الشخصية دي بتاعتي، ونصحت "السقا" بهذا، وهو إنسان طيب وجدع جداً بشكل مبالغ فيه، ولا يمتلك أي نظريات مؤامرة، وأنا باستمرار بكلمه وبنصحه دائماً لا ترد وأشتغل فقط".
واختتم حديثه قائلاً: "أي حوارات شخصية لو طرحتها على السوشيال ميديا وبدأت ترد وتتكلم هتبقى أنت مش نجم ومعندكش ثقة في نفسك وبتدور على الترند من خلال شخص تاني غيرك".