كشفت صابرين خلال تصريح تلفزيوني، عن أكثر ممثلتين تعتبرهما قدوة لها في السينما المصرية والعربية، قائلة: الفنانة شادية أعتبرها أهم ممثلة جات في تاريخ السينما المصرية والعربية
كشفت صابرين خلال تصريح تلفزيوني، عن أكثر ممثلتين تعتبرهما قدوة لها في السينما المصرية والعربية، قائلة: "الفنانة شادية أعتبرها أهم ممثلة جات في تاريخ السينما المصرية والعربية، كمان الفنانة سعاد حسني معاها، وده لأنهم متنوعين جداً، وقدموا كل حاجة من مختلف أنواع التمثيل".
وأبدت صابرين ندمها على اتخاذ قرار الابتعاد عن الغناء والتركيز فقط على التمثيل: "أكتر حاجة غلط خدتها في حياتي هي إني بعدت عن الغناء وركزت في التمثيل بس، رغم إن ده كان ليه أسباب منها إن في حاجات كتير اتعرضت عليا مهمة جداً زي مسلسل أبو العلا البشري، والمخرج محمد فاضل خدني في أكتر من حاجة، فما عرفتش مع التصوير أركز في الغنا كمان.".
وتحدثت صابرين عن فلسفتها في أداء الأدوار المختلفة، مؤكدة أنها تحرص دائماً على الحفاظ على روح الهاوية. "بقول لنفسي جملة كل ما أنزل أروح أصور دور جديد، وهي: أوعي تبقي محترفة، خليكي هاوية، علشان أفضل محتفظة بروحي بتاعة زمان، وأبقى نفسي أعمل الدور بتميز زي ما كنت في البدايات، لأني لو بقيت محترفة وواثقة بزيادة في نفسي مش ها أنفذ الدور مظبوط".